Images البلبل الاليف عملة نادرة

السلام عليكم اخواني 
اثناء تجوالي بسوق الغزل ببغداد وجدت بائعين للبلبل الوحشي وبعد اخذت واعطيت معهم بالكلام وجدت ان لاهدف من صيد هذا الطائر و هو بهذا العمر المتقدم لذلك قلت له (منو يشتري منك بلبل وحشي )قال وبكل برود وكانما الامر معتاد عليه (اللي يريد يكاثر) او (يعتق رقبه)او بدون هدف.
سعر هذا البلبل هو 4000 دينار تركت هذا البائع وتمشيت الى داخل السوق فوجدت احد البائعين عنده بلبل وحيد بقفص يبدو عليه انه اليف من النظره الاولى وتغريده حلو سالته بكم سعر البلبل قالي 100000 لاحظ الرقم اعتقد الفرق واضح بين الرقمين :
وهنا ناتي الى السوال اللي يجب ان يطرح لماذا كان هذا الطائر ب 100000 والاخر ب4000 وهنا صلب الموضوع الا وان البلبل الاول اليف و الاخر وحشي 
خلي نجي ننظر للموضوع من منظور اقتصادي 96000 هي اجر لمن جعل هذا الطائر يتحلى بهذي المواصفات المطلوبه واني راح اوفرها الك ببلاش ومن الله التوفيق:

1-اشتري طائر بلبل بعمر شهر على التقدير الاقل وممكن اكثر حد 3اشهر.
2- خلي في قفص مصنوع من جريد النخل.
3-او قفص معدني على ان لا يكون المعدن لماع جدا لان هذا يزعج البلبل ويجعله اقل تاقلم مع المحيط.
4- اول يوم خلي ايدك داخل القفص وعوده دائما انه تخلي اصبعك قريب من اقدامه وشويه تطيه دفعه حتى ينجبر يصعد على اصبعك.
5- اطعمه خبز منقوع او سيريلاك او تمر بس شويه شويه على طرف ابهامك وقربه يم المنقار حتى يالف اصبعك و خليه بمكان بعيد عن التيارات الهوائيه.
6- خلي القفص بمكان ما تغيره بمعنى تحب انه يكون الطائر بهذا المكان وخلي يالف وجوه اهل البيت .
7-بعد عمر 4 اشهر ابدي بتعليمه التغريد راح تكولي شلون اكلك اكو هواي طرق وهي :
أ- طريقة التجويع وذلك بان تكون موجود على طول النهار بالبيت و تجوع البلبل بس مو لحد الهلاك لا خلي ببدايه الجوع وشغله التغريد اللي تحبه فد دقيقتين و ابدي اطعمه .واستمر بهذي العمليه خلي فد اسبوع او اكثر.وراح تتفاجا بانه راح يبدي يعيد التغريد اللي علمته عليه و باتقان.
ب- طريقة سهله وبسيطه بان تسجل تغريد البلبل على الموبايل او تسحبه وتحوله وتخليه على الموبايل ويوميه تشغله فد نص ساعه وراح تلاحظ تعوده على التغريد.
8- احذر اطعام الطماطه للبلبل وهو بعمر صغير فانه يؤثر على جودة صوته.
9-اخرج الطائر يوميا من القفص واجعله يشاركك الجلوس عند تفرج التلفاز او القرائه و اعطيه مطلق الحريه .
10-اخرج الطائر عند فترة الغداء و العشاء واجعله يتعود نظام البيت العام .
11-اخرجه كل يوم او كل يومين على اشعه الشمس وخلي صحن بيه ماء بارضية القفص ختى يسبح بيه .
اعتقد اذا طبقت هذي الامور راح تحصل بلبل حبوب وجميل وروعه ويشاركك اسعد لحضات حياتك 
والحمدد لله